Ingon nga mga epidemiologist sa makatakod nga sakit ug mga syentista sa kahimsog sa publiko, adunay kami grabe nga kabalaka bahin sa makadaot nga mga epekto sa kahimsog sa lawas ug sa mental nga panghunahuna sa naglungtad nga mga polisiya sa COVID-19, ug girekomenda ang usa ka pamaagi nga gitawag namo og Focused Protection.
Gikan sa wala ug tuo, ug sa tibuuk kalibutan, gipahinungod namo ang among mga karera sa pagpanalipod sa mga tawo. Ang karon nga mga patakaran sa lockdown nakamugnag mga daotang epekto sa mubu ug sa dugay nga kahimsog sa publiko.Ang mga sangputanan (sa pagngalan og pipila) apil na ang pagmubu sa rate sa pagbakuna sa bata, nagkagrabe nga sangputanan sa sakit sa kasingkasing, mas gamay nga pagsusi sa kanser ug nagkadaot nga kahimsog sa pangisip – nga mosangput sa labi ka daghang pagkamatay sa mga umaabot nga tuig, kauban ang hut-ong sa mga mamumuo ug mga batan-ong myembro sa katilingban nga nagdala sa labing mabug-at nga palas-anon. Ang nagpadayong sitwasyon nga wala sa eskuylahan ang mga kabataan usa ka grabe nga inhustisya.
Ang pagpadayon niini nga mga lakang hangtod makuha ang usa ka bakuna mahimong hinungdan sa dili na mapaayo nga kadaot, kauban sa mga kabos sa kinabuhi makatagamtam sa dili patas nga kadaot.
Maayo na lang, nagadugang ang among pagsabut sa virus. Nahibal-an namo nga ang kakuyaw sa kamatayon gikan sa COVID-19 labaw pa sa usa ka libo ka pilo ang kataas sa mga tigulang ug masakiton kay sa mga bata. Sa tinuud, alang sa mga bata, ang COVID-19 dili kaayo peligro kaysa uban pang mga kadaot, lakip ang trangkaso.
Samtang nagtubo ang resistensya sa populasyon, niubos ang peligro sa impeksyon sa tanan – lakip na sa mga mahuyang. Nahibal-an namo nga ang tanan nga populasyon sa kadugayan makaabut sa punto sa herd immunity. – ie ang punto nga ang rate sa mga bag-ong impeksyon dili na motaas. – ug nga kini mahimong matabangan sa (apan dili modepende) sa usa ka bakuna. Ang among katuyoan mao nga kinahanglan nga minusan ang kamatay sa mga tawo ug kadaot sa katilingban hangtod maabut nato ang herd immunity.
Ang labing maloloy-on nga pamaagi nga nagbalanse sa mga peligro ug benepisyo sa pagkab-ot sa herd immunity, nga tugotan ang mga adunay gamay nga peligro sa kamatayon nga manginabuhi sa ilang naandang normal nga kinabuhi aron mapalig-on ang resistensya sa virus pinaagi sa natural nga impeksyon, samtang labi nga gipanalipdan ang mga naa sa labing taas nga peligro. Gitawag namon kini nga Focused Protection.
Ang pagsagop sa mga lakang aron mapanalipdan ang mga mahuyang kinahanglan maoy nangunang katuyoan sa kahimsog sa publiko agig mga tubag sa COVID-19. Agig pananglitan,ang mga nursing home kinahanglan nga mogamit og mga kawani nga adunay nakuha nga resistensya ug paghimo kanunay sa testing sa uban pang kawani ug alang usab sa tanan nga mga bisita. Kinahanglan nga minusan ang rotation sa mga kawani. Ang mga retiradong tawo nga nagpuyo sa balay kinahanglan adunay mga grocery ug uban pang mga kinahanglanon nga ihatod sa ilang balay. Kung mahimo, kinahanglan sa gawas sa balay nila tagboon ang mga miyembro sa ilang pamilya kaysa sa sulud. Ang usa ka komprehensibo ug detalyado nga lista sa mga lakang, lakip na ang mga pamaagi sa mga multi-generational nga panimalay, mahimong ipatuman, ug naa nahiapil ug uban sa katakus sa mga propesyonal alang sa kahimsog sa publiko.
Kadtong dili mahuyang kinahanglan nga tugotan dayon nga magpadayon sa kinabuhing normal. Ang yano nga mga lakang sa kahinlo, sama sa paghugas sa kamut ug pagpabilin sa balay kung adunay sakit kinahanglan buhaton sa tanan. aron maminusan ang herd
immunity threshold. Ang mga eskuylahan ug unibersidad kinahanglan nga bukas alang sa personal nga pagtudlo. Ang mga kalihokan nga ekstrakurikular, sama sa isport, kinahanglan ipadayon na usab. Ang mga young-adults nga hamubo ra ang peligro nga matakdan kinahanglan magtrabaho sa normal, kaysa didto ra sulod sa balay. Ang mga restawran ug uban pang mga negosyo kinahanglan ablihan. Kinahanglan nga ibalik pagpadayon ang mga kalihokan sa arts, musika, isport ug uban pang mga kalihokan sa kultura. Ang mga tawo nga labing daling matakdan mahimong moapil kung gusto nila, samtang ang tibuuk sosyedad natagamtam ang panalipod nga gihatag alang sa mga mahuyang niadtong nakakuha nag lig-ong herd immunity.
On October 4, 2020, this declaration was authored and signed in Great Barrington, United States, by:
Dr. Martin Kulldorff, professor of medicine at Harvard University, a biostatistician, and epidemiologist with expertise in detecting and monitoring of infectious disease outbreaks and vaccine safety evaluations.
Dr. Sunetra Gupta, professor at Oxford University, an epidemiologist with expertise in immunology, vaccine development, and mathematical modeling of infectious diseases.
Dr. Jay Bhattacharya, professor at Stanford University Medical School, a physician, epidemiologist, health economist, and public health policy expert focusing on infectious diseases and vulnerable populations.
Translation by Rocky Simbajon
